Mes: Marzo 2022
Charla de Cristina Gamallo, enxeñeira informática e fundadora dunha empresa, para 1º Bach
Obradoiro de videocreación contra a violencia machista con Illa Bufarda. 4º ESO
O alumnado de 4º de ESO desenvolveu 4 sesións, o luns 28 e o martes 29 de marzo, dun obradoiro de videocreación con Illa Bufarda, para a creación dun spot publicitario que denuncia a violencia machista e que se gravará durante a vindeira semana
Día Mundial Forestal
O pasado venres 11 de marzo, o alumnado de 1º de ESO conmemorou o Día Mundial Forestal plantando árbores en monte Calvo , parroquia de San Clemente. Plantáronse 410 árbores das especies castiñeiro de froito (60),castiñeiro de madeira (150), pradairo (50), cerdeira (100) e nogais do país (50). Velaí unha imaxes dese día:
Radio Activista
Hoxe, 10 de marzo, o alumnado de 2º e 3º de ESO tivo a oportunidade de gravar uns marabillosos programas de radio dentro do Proxecta + “Activistas polo mundo que queremos”. En breve terán un encontro mol especial coas activistas do Sur (activistas artistas de Hip hop do Salvador). Recollemos fotos do proceso de gravación do programa que escoltaremos nunha semana (unha vez rematada a edición).
8M (II). Performance feminista
O alumnado de 4º de ESO desenvolveu coa artista Ana Gesto 4 sesións don obradoiro de performance feminista. A vindeira semana realizarán unha acción no instituto e en Caldas que recollerá a reflexión e planificación destes días
8M (I). Lecturas en feminino plural…
Un día máis volvemos coas lecturas compartidas. Blanca e Mirian leron uns fragmentos da Casa de Mango Street, de Sandra Cisneros para o alumnado de 3º e de 4º da ESO.
A autora estadounidense, de orixe mexicana, móstranos a través da mirada infantil da narradora a desigualdade das mulleres na sociedade americana; unha desigualdade que se fai máis evidente se ademais a muller é de orixe latina.
Ademais completamos o 9 de marzo con outras accións, como o emprego do xenérico feminino ao longo da xornada para visibilizar ás mulleres (tantas veces ignoradas e silenciadas…)
Saída a Lugo. Festival de Teatro Greco-Latino
O alumnado de Cultura Clásica de 4º de ESO e o alumnado de Latín e Grego de 1º e 2º Bach realizaron no día 8 de marzo unha saída a Lugo, na que visitaron: Santalla de Bóveda; O museo provincial (visita guiada da romanización); visita á muralla e ao mural de Xulio César; ademais da obra de teatro. Velaí unhas fotos…
tI ES Aquis 